కనుక త్యాగభావనతో నిస్వార్థ బుద్ధితో తను మన ధన పూర్వకముగా వచ్చి బాధ్యతగా ఈ పాదయాత్రలో పాల్గొనవలసిందిగా యువతీ యువకులకు, అన్ని వర్గాల వారికి, అన్ని వయసుల వారికి, దైవభక్తి, దేశభక్తి ఉన్నవారికి, సమాజం పట్ల అవగాహన ఉన్నవారికి, అన్ని రంగాల వారికి వచ్చి పాదయాత్రలో పాల్గొనమని, భగవతి భారతి పూజయే ఈ పాదయాత్ర అని, అందరూ పూజారులే అని, చెబుతూ అందరిని ఆహ్వానిస్తున్నాం. 

ప్రత్యేకించి ఆదర్శవంతమైన దేవాలయ వ్యవస్థకు ధర్మకర్తలు, అర్చకుడు ప్రధానమైనటువంటి మూలస్తంభాలు. అందువలన వారందరినీ కూడా ఆహ్వానిస్తున్నాం. సమాజంలో నిరంతరము చైతన్యము జాగృతి చేస్తూనే ఉండాలి, నిరంతరము అందుకే పాటుపడుతూనే ఉండాలి అనే విషయాన్ని అందరూ అర్థం చేసుకుని ఉత్సాహంగా దేశభక్తి ప్రభూతులై అందరూ కూడా ఈ కార్యక్రమంలో పాల్గొనాలని చెప్పి ఆహ్వానిస్తున్నాం.

మాటిమాటికి మళ్ళీ మళ్ళీ నిరంతరం సమాజంలో కలివిడిగా తిరుగుతూ సమాజాన్ని తట్టిలేపే కార్యక్రమం నిరంతరం జరుగుతూ ఉండాలి. మన హిందూ సమాజంలో ప్రాచీన కాలం నుండి ఎంతోమంది యతీశ్వరులు, సాధుసంతులు, భక్తిపరులు, సద్గురువులు నిరంతరం ధర్మ ప్రచారం చేస్తూ కీర్తనలు తత్వాలు పాడుకుంటూ సమాజంలో ఆధ్యాత్మిక ధార్మిక నైతిక సామాజిక విలువలను పెంపొందింప చేస్తూ అందరిచే ఆచరింప చేసే ప్రయత్నం నిరంతరము చేస్తూ వస్తున్నారు. స్వాతంత్రానికి పూర్వము ఎంతోమంది కాషాయాంబరధారులు, పీఠాధిపతులు, మఠాధిపతులు సమాజాన్ని తట్టిలేపటంలో చైతన్యపరుచుటలో ముందు ఉన్నారు. స్వాతంత్ర్యానంతరం ధర్మ ప్రచారము కొంత కుంటుపడిన మాట వాస్తవం. అనేకమంది సాధు మహాత్ములు ధర్మపరులు వారి ప్రయత్నం వారు నిరంతరంగా చేశారు. సమాజంలో వస్తున్న సామజిక, సాంస్కృతిక మార్పులను దృష్టిలోపెట్టుకుని సువ్యవస్థిత, దేవాలయాకేంద్రిత ధార్మిక వ్యవస్థలను ఏర్పాటు చేవలసిన అవసరం ఉన్నదనేది వాస్తవం. అయితే గత 30 సంవత్సరాలుగా అంటే అయోధ్య ఉద్యమం నాటి నుండి దేశం మొత్తం మీద హిందుత్వం పట్ల అవగాహన ఆచరణ పట్టుదల పెరగటం మనం గమనిస్తున్నాం. అయితే ఈ తరుణంలో సమాజంలో చాలా వేగంగా చోటు చేసుకుంటున్న మార్పులు కొన్ని అనుకూలంగా కొన్ని ప్రతికూలముగా కనిపిస్తున్నాయి. ఈ సమయంలో మరల గ్రామ గ్రామాన తిరుగుతూ నేరుగా హిందూ సమాజాన్ని ఎక్కడికక్కడ కలుస్తూ మన భక్తి మార్గాన్ని తెలియజేస్తూ, భక్తిమాధ్యమంగా సమాజాన్ని కలుపుతూ, కలిసిన సమాజం శక్తివంతంగా తయారై ధర్మ పరిరక్షణ చేసుకునే విధంగా మలుచుకోవటమే నేటి మన కర్తవ్యం.